Para lançimit të Email, EasilyDo ishte i njohur për asistencën e telefonave smart për iPhone që bënte gjithashtu gjëra të tilla si, gjurmimi i paketave tuaja dhe organizonte planet tuaja të udhëtimit ndër të tjera. Por kompania e kuptoi se këto lloj funksionalitetesh do të kishin më shumë kuptim në një aplikacion email-i mobile, më tepër se sa në një aplikacion të pavarur.
Ndryshe nga shumë prej aplikacioneve email sot në treg, Email i EasilyDo nuk u përpoq të prezantonte një ndërfaqe rrënjësisht të ndryshuar për përdoruesit.
Aplikacioni është mjaft familjar për përdoruesit e iOS. Të gjitha funksionalitetet janë vetë përshkruese dhe mund të gjenden dhe kuptohen me lehtësi nga përdoruesit.
Për një minutë, ju mund të mashtroheni duke menduar se jeni në vetë aplikacionin Mail të Apple, por Email ofron një grup të zgjeruar funksionalitetesh, si aftësia për të shtyrë mesazhet, për të zbuluar dhe bllokuar leximin e faturave, marrja e alarmeve në kohë reale të udhëtimit, gjurmimi paketat si dhe mund të kenë dosje të organizuara automatikisht ku mund të jenë të gjitha skedarët e email-eve, faturat, rezervimet nëpër shfaqje të ndryshme etj.
Dhe me përditësimet e reja të iOS, Email gjithashtu shton mbrojtjen me ID të touch-it, njoftime nga vende dhe aktivitete të ndryshme, gjithashtu mund të shënoni mesazhet që ju vijnë si të lexuara, mund të përgjigjeni, t’i arkivoni apo t’i çoni në plehra.
Tani në Android, Email i EasilyDo nuk imiton aplikacionin Mail të Apple, por në vend të kësaj inspiron të bëjë më popullore aplikacionet Android, si Gmail apo Inbox, me ikonat e tij shumëngjyrëshe të mesazheve si dhe shume gjëra të tjera duke u dhënë përdoruesve të Android një ndjenjë familjariteti.
Përveç kësaj, ekipi i inxhinierëve ndërtoi aplikacionin e ri me arkitekturën e saj unike për Android OS, me në fokus shpejtësinë, përdorueshmërinë dhe besueshmërinë. Dhe ndërsa aplikacioni përfshin funksionalitetin bazë nga iOS, ajo gjithashtu paraqet një numër funksionalitetesh të dizajnuara vetëm për Android. Për shembull, ju mund të merrni njoftime dhe përgjigje përmes zërit në Android Wear.
Ashtu si homologu i tij iOS, Email në Android mund të shkarkohet pa pagesë.
Kjo është e mundur për shkak se modeli i biznesit të kompanisë nuk është plotësisht i fokusuar te konsumatori. Në vend të kësaj, rreth tre të katërtat e të ardhurave të EasilyDo vijnë nga liçencat e teknologjisë dhe algoritmeve AI për ofruesit e tjerë të email-eve, duke lejuar qarkullimin e parave. Aplikacioni Mail nxjerr teknologjinë e saj për klientët e interesuar – duke përfshirë disa biznese të mëdha, por kompania nuk pranon të japë emra.
Në iOS, Mail tani po sheh mestarisht 10.000 shkarkime të reja çdo ditë dhe renditet si aplikacioni email më i mirë i pavarur. Ajo gjithashtu ka një vlerësim prej 4.7 dhe është numri 15 në kategorinë e Produktivitetit në App Store.
burimi: TechCrunch
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
