Cili është shqiptari që donte të shpëtonte lokalin e famshëm “Carnegie Deli”, në New York? - Business Magazine Albania

Cili është shqiptari që donte të shpëtonte lokalin e famshëm “Carnegie Deli”, në New York?


Në New York, restorantet shkojnë e vijnë, mirëpo një lokal dukej sikur do të jetonte përgjithmonë. I hapur në 1937, Carnegie Deli u kthye shpejt në një ikonë të qytetit. Kryesisht me kuzhinë hebraike, lokali ofronte sanduiçe dhe ëmbëlsira të famshme dhe ka pasur mes klientëve të rregullt disa nga figurat më të mëdha të artit dhe kulturës së qytetit.

Viktimë e famës së vet, në dekadat e fundit, më shumë se njujorkezët vizitohej nga turistë kuriozë.
Fundi ishte gati i paralajmëruar. I thyer nga rënia e financave, nga gjobat, humbja e një gjyqi me punëtorët dhe divorci i pronarëve, biznesi ishte nisur në rrugën pa kthim. Në Tetor, pronarja deklaroi se do ta mbyllte në fund të vitit.

Lajmi i mbylljes mërziti shumë vetë përfshi edhe ata që nuk e kanë frekuentuar prej vitesh, por ruanin kujtime të fëmijërisë e rinisë aty.

Një njeri u përpoq në veçanti që ta shpëtonte. Emigranti shqiptar Sammy Musovic, i cili, kur mbërriti për herë të parë në SHBA, 40 vjet më parë, ka punuar aty si pjatalarës. Sot është pronar restorantesh shumë të njohura në Manhattan.

Bashkë me djemtë, ai thirri një konferencë shtypi përpara Carnegie Delit në Tetor dhe tha se do ta shpëtonte lokalin.

“Të mbyllet ky lokal është si t’i heqësh New York-ut Ndërtesën e Shtetit të Perandorisë (Empire State Building) apo Statujën e Lirisë”, deklaroi ai.

carne2

Sammy Musovic nuk ishte i vetmi që u përpoq ta blinte këtë biznes që të mos mbyllej. Gazetat njujorkeze shkrujtën në atë kohë se Musovic e njeh dhe kandidatin për President, Donald Trump.

Ai kishte organizuar këtë vit një takim fondembledhës për Melania Trump, të cilën e kishte përshkruar si një grua të bukur që donte ta shihte në Shtëpinë e Bardhë. Ai u tha gazetave se vendlindja e saj ishte në Jugosllavi, ndërsa e tija ishte jo larg kufirit të Malit të Zi.

Prej saj e mbështes edhe Donald Trump”, kishte sqaruar ai. Dëshira e tij për Shtëpinë e Bardhë u plotësua, kjo për Carnegie Deli, jo. Sot ishte dita e fundit, për lokalin e famshëm.

Kamerat ishin përsëri të gjitha nga Sammy Musovic. Me një çek tani prej 10 milionë dollarësh në dorë, ai tha para gazetarëve se ishte gati t’ia paguante pronares Marian Harper-Levine. Mirëpo, si sqaroi menaxheri i fundit kësaj ikone të qytetit, familja vendosi që historia të mbyllet me ta.

Pronarja ka thënë se Sammy Musovic ka folur më shumë me median se sa me përfaqësuesit e saj, si dhe nuk ka treguar ndonjë siguri se ka para që ta mbështesë çekun që e shpalos përpara kamerave. Ajo tha gjithashtu se nuk ka gjetur në arkivat e dokumenteve të saj ndonjë gjurmë se shqiptari ka qenë vërtet i punësuar aty si tregon.

Sammy Musovic u ka thënë gazetarëve se është pronar i lokaleve të njohura Sojourn, Vero dhe Selena Rosa, si dhe që nëse do t’ia linin atij në dorë do ta mbante hapur Carnegie Delin edhe 100 vjet të tjera.

carne3

/Shkruar nga Ruben Avxhiu për Illyria

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0