Cili është profesioni që ju bën një milioner? - Business Magazine Albania

Cili është profesioni që ju bën një milioner?


Nëse doni të bëheni një milioner, është më mirë të jeni një inxhinier software se një atlet profesionist.

Në vitin 2016, LeBron James basketbollisti më i mirë i Cleveland bëri mbi 77 milionë $ mes pagës së tij (23 milionë $) dhe kontratave të shumta, raporton Forbes. Eli Manning qendërmbrojtësi  i New York bëri 45 milionë $ dhe Clayton Kershaw i LA Dodgers bëri 32 milionë $.

Nuk ka dyshim se të qenit atlet elite profesionist paguhet shumë, shumë mirë.

Por merrni parasysh se: Periudha e karrierës për një atlet është e shkurtër dhe të mirët nuk paguhen aq sa lojtarët më të lartë. Në NFL, gjatësia mesatare e karrierës është 3,5 vjet me një fitim potencial prej 3 milionë $, sipas site-t teknologjik të vendeve të punës Paysa. Në MLB, gjatësia mesatare e karrierës është 5.6 vjet, me potencialin e fitimit prej 2.9 milionë $. Gjërat janë më të mira në NBA, ku karriera mesatare zgjat 4.8 vjet me potencial fitimi prej  12 milionë $.

Asnjë nga këto nuk është pak. Por në qoftë se ju futeni në numrin e atyre njerëzve, të cilët përpiqen të bëhen lojtarë profesionistë sportivë dhe kurrë nuk nënshkruajnë një kontratë të mirë, përqindja do të ishte shumë më e ulët.

Tani, krahasoni këto me një inxhinier, sugjeron Paysa. Nëse ju do të përpiqeni të bëheni një inxhinier, shanset janë të mira që ju do të keni sukses. Norma mesatare e pranimit në shkollat e inxhinierisë është 63 nga 100, thotë Paysa. Plus, 6 nga 10 studentë të inxhinierisë diplomohen dhe 97 nga 100 gjejnë punë.

Dhe sapo të jeni përshirë në fuqinë punëtore, periudha mesatare e karrierës është 40 vjet, me një rrogë mesatare vjetore në 125.418$. Potenciali i të ardhurave gjatë gjithë jetës shkon deri në 5 milionë $, më mirë se dy lojtarë tipik profesionist NFL dhe atletë tipik profesionistë MLB.

Plus, ata që ulen në radhët e “elitës” marrin shumë më mirë. Një karrierë në Facebook mund t’iu japë të ardhura të përgjithshme gjatë jetës prej 13.5 milionë $, llogarit Paysa. Një punonjës karriere teknologjie në Google mund të bëjë rreth 10.7 milionë $.

Dhe kjo është e mjaftueshme për të qëndruar gjatë, madje edhe kundër një lojtari profesionist NBA.

burimi: BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0