Çfarë po ndodh me Shqipërinë ndërkohë që rajoni konkuron me teknologji? - Business Magazine Albania

Çfarë po ndodh me Shqipërinë ndërkohë që rajoni konkuron me teknologji?


Sektori i bujqësisë ka rritur peshën në strukturën e Prodhimit të Brendshëm Bruto duke zënë 20.32 % të totalit të PBB, pas një rënieje domethënëse që sektori shënoi në vitet 2008-2009.

Teksa vendet e rajonit janë duke zhvilluar fort industrinë automative dhe shërbimet e teknologjisë së informacionit, ekonomia e Shqipërisë është zhvendosur drejt bujqësisë duke mos mundur të përparojë me teknologjinë.

Rreth 9 vite më parë pesha e bujqësisë në PBB ishte 16-17%, sektori i ndërtimit po avanconte duke zënë 15% të strukturës së ekonomisë.

Me përfshirjen e vendit nga kriza ekonomike e vitit 2008, sektori i ndërtimit që gjithnjë e më shumë po merrte peshën kryesore në ekonominë e vendit ra me të shpejtë, teksa bizneset e sektorit u gjetën të papërgatitura për t’u diversifikuar në sektorë të tjerë me vlerë të lartë të shtuar. Ndaj shumë biznese të ndërtimit u turrën drejt fermave, duke ndërtuar ferma kafshësh dhe sera, pa ditur se, Shqipëria nuk mund të eksportojë prodhimet e saj blegtorale në BE.

Megjithë këtë tendencë sektori i bujqësisë është tërësisht në informalitet, teksa të dhënat statistikore për sektorin mungojnë. Edhe Kosova ka më shumë se 4 indekse çmimesh për inputet dhe prodhimet bujqësore dhe publikon çdo tre muaj të dhëna të detajuara për bujqësinë dhe bizneset e sektorit.

Në vendin tonë, bujqësia kontribuon 43% në punësim, mbi 20% të strukturës së ekonomisë së vendit, por inventarët për ecurinë e sektorit mungojnë totalisht.

Shqipëria mbetet vendi me peshën më të lartë të bujqësisë në raport me Prodhimin e Brendshëm Bruto (PBB) në Europë dhe gati sa dyfishi i rajonit, ndërkohë që paradoksi qëndron në faktin se vendi vijon të jetë importues neto i prodhimeve bujqësore.

Në Maqedoni, bujqësia zë 10.2% të peshës në totalin e PBB-së; në Malin e Zi zë vetëm 10% të PBB-së; në Bosnjë, vetëm 7.8% të PBB-së; në Serbi zë 9.7%; në Ukrainë 11.8% dhe në Rusi vetëm 4%. Në vendet e zhvilluara të BE, bujqësia zë rreth 2% të PBB-së. Teksa sektori ka pozitë dominuese në ekonominë shqiptare, vendi vijon të importojë produkte ushqimore 4.7 herë më shumë se sa eksporton.

burimi: Monitor

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0