Mërgim Cahani nga kompania Gjirafa, e cila është një kompani e avancuar e teknologjisë, produkt kryesor i së cilës është makina kërkimore, thotë se në Kosovë ka mundësi për të krijuar nisma si ajo e kompanisë së tij.
Sipas tij, sa më pak legjislacion aq më lehtë është për sipërmarrjen.
“Ne kemi popullatë të re dhe të etur për të krijuar gjëra të reja. Në princip edukimi i mirë ndikon edhe në krijimin e ideve më të mira inovative dhe që janë më konkurruese në treg”, tha Cahani.
Ai shton se edukimi është njëra nga bazat e krijimit të ideve inovative.
“Në ‘Gjirafa’ kemi programues të cilët janë doktorë shkence, mirëpo kemi edhe disa të rinj e të reja të cilët nuk kanë as Bachelor të përfunduar, të vetëkrijuar, por nuk janë shumë”, ka deklaruar Cahani.
Uranik Begu nga Qendra Inovative e Kosovës, ICK ka thënë se kjo qendër, në vazhdimësi është në kërkim të politikave më të favorshme për bizneset e reja startup në vend.
“Ajo që po i mungon realisht sot Kosovës është një vizion për zhvillimin e vet ekonomik. Një profil i cili do ta dallonte Kosovën ndoshta nga vendet e rajonit”, ka deklaruar Begu.
Sipas tij duhet që shumë iniciativa të mira të përkrahen e të mos shuhen.
Burimi: telegrafi.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
