Arsyet përse duhet të udhëtoni, ndërkohë që jeni ende të rinj

Arsyet përse duhet të udhëtoni, ndërkohë që jeni ende të rinj


  1. Pavarësia

Do të kuptoni se sa të pavarur jeni nga familja juaj, kur udhëtoni larg prej qytetit të lindjes, vetëm ose me miq. Në këto raste do të mësoni se si të kujdeseni për veten dhe të zgjidhni telashet tuaja, gjë që do ju bëjë më të pavarur.

  1. Stil jetese i shëndetshëm

Me të hyrë në jetën profesionale, do të kuptoni se jeta është një seri trysnie që s’merr fund asnjëherë. Kështu që keni nevojë për një udhëtim që t’ju ndihmojë të “arratiseni” prej gjithë zhurmës dhe stresit të jetës reale.

Po kështu, nëse vizitoni peisazhe të bukura me shumë aktivitete të gëzueshme e të pëlqyeshme, do të ndiheni më të relaksuar. Është mënyra ideale për të “rifreskuar” vetveten dhe marrë ide të reja interesante për punën tuaj, që mund t’i implementoni kur të riktheheni.

  1. Eksplorimi

Kur mendoni numrin e gjërave që doni të bëni me jetën tuaj, do të shihni se ajo është shumë e shkurtër. Po kështu, nuk mund ta dini asnjëherë atë që do të ndodhë javën tjetër apo muajin tjetër. Kështu që, merrni çantën e shpinës  vizitoni vende të reja, sa më shpejt që të mundeni. Eksploroni botën!

  1. Shtimi i dijeve

Udhëtimi jo vetëm ju ndihmon për t’u ndjerë më mirë duke larguar stresin, por edhe përmirëson dijet tuaja dhe aftësitë. Kur udhëtoni do të merrni shumë eksperienca të dobishme, të cilat nuk i mësoni dot në shkollë. Do të përmirësoni vetëbesimin dhe aftësitë e negocimit, kur të keni më pak para dhe do të përpiqeni të bindni vendasit për blerje me çmime më të ulëta.

Veç kësaj, pas udhëtimit, do të mësoni kaq shumë për vendet, kulturat dhe popujt.

  1. Eksplorimi i vetvetes

Nëse keni probleme me drejtimin e jetës suaj, ose vështirësi në marrjen e vendimeve të rëndësishme për jetën tuaj tuaj, udhëtimi mund të ndihmojë të shihni problemin, nga një këndvështrim tjetër.

Gjatë udhëtimit, ju do të jeni të frymëzuar nga njerëzit dhe vendet që do të shihni. Kjo mund t’ju ndihmojë të gjeni përgjigjet që kërkoni, çfarë doni të jeni dhe si të arrini qëllimet tuaja.

  1. Kontrolli i parave

Udhëtimi nuk është vetëm një mënyrë e mirë për të kënaqur pasionin tuaj, por edhe një mundësi për të mësuar se si të balanconi financat tuaja. Nëse keni shpenzuar më shumë para se sa fitoni, ju shpejt do ta kuptoni dëmin, gjatë udhëtimit.

Asgjë nuk mund të jetë më e keqe, se mbarimi i parave gjatë udhëtimit, sidomos kur jeni duke qëndruar në një vend të ri dhe nuk njihni askënd. Në fakt, aftësitë e menaxhimit të shpenzimeve nuk janë të vështira për t’u mësuar dhe shumë shpejt, ju do ta kuptoni këtë në udhëtim.

  1. Koha

Tani jeni të rinj, por nuk do të jeni përgjithmonë. Koha nuk pret askënd, kështu që duhet të udhëtoni sa kohë që jeni të rinj dhe të bekuar me pasion dhe shëndet.

/GloboTreks

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0