“Alitalia”, kompania e fluturimeve ajrore italiane nis procedurat e falimentimit - Business Magazine Albania

“Alitalia”, kompania e fluturimeve ajrore italiane nis procedurat e falimentimit


Kompania kryesore e fluturimeve ajrore italiane, e zhytur në telashe, do të kërkojë formalisht nisjen e procedurave të falimentimit, pasi punonjësit e saj refuzuan planin e ristrukturimit.

Kompania tha se fluturimet e saj do të vazhdojnë siç janë planifikuar, ndërsa administratorët do të shohin nëse ka mundësi që të ndryshojnë fatin e saj.

Gjatë dekadës së fundit, “Alitalia” ka marrë më shumë se 7 miliardë euro nga shteti për të mbuluar borxhet, por pa mbështetje të mëtejshme, avionët e saj rrezikojnë që të ndalen në mënyrë të përhershme.

Javën e kaluar, punëtorët e kompanisë votuan kundër planit për të shkurtuar vendet e punës dhe pagat, diçka që do t’i siguronte “Alitalia”-s fonde të reja. Plani i ristrukturimit kishte mbështetjen edhe të kompanisë “Tehad” që zotëron 49% të “Alitalia”-s, por pa miratimin e punonjësve të saj nuk mund të bëhej asgjë.

Duket se fondet nga Roma janë ndërprerë përfundimisht, megjithëse në një sforco finale, qeveria i dha “Alitalia”-s 400 milionë euro për të vazhduar fluturimet, ndërsa kryhet procesi i falimentimit.

Ministri italian i Financave, Pier Carlo Padoan tha se qeveria nuk ka më fonde për “Alitalia”-n, gjë që mbështetet edhe nga publiku i gjerë, pasi shumica e italianëve mendojnë se nuk duhen hedhur më para në një pus pa fund.

Burimi: arbresh.info

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0