Albi Zhulali, CEO i Softmogul, i ftuari i parë i “The Key to Success 1.0” - Business Magazine Albania

Albi Zhulali, CEO i Softmogul, i ftuari i parë i “The Key to Success 1.0”


Seminari “Çelësi i suksesit 1.0” organizuar nga Klubi i Novatorëve u mbajt të Martën, 4 Prill 2017 në ambjentet e Epoka University. Qëllimi i këtij seminari është të sjellë sipërmarrës të suksesshëm të cilët janë të gatshëm të ndajnë përvojat e tyre dhe t’iu përgjigjen të gjitha pyetjeve që studentët mund të kenë.

I ftuari i parë ishte Albi Zhulali, CEO & President i Softmogul. Ai ndau përvojën e tij, vështirësitë për të filluar një kompani të vogël në Shqipëri dhe më pas ta çonte atë në Silicon Valley, që ka tashmë një vlerë neto prej 7 milionë $.

Këshilla e tij ishte e thjeshtë: “Punoni çdo ditë për të bërë ëndrrat tuaja realitet dhe krijoni një grup që ndjek shembullin tuaj.”

Fjalimi i Albit ishte shumë frymëzues për shumë studentë. Ai i ftoi studentët që duan të fillojnë intership apo të fillojnë të punojë në Softmogul, të dërgojnë CV-të e tyre në e-mail.

Kompania është në kërkim të web developers, por ata janë të gatshëm të pranojnë edhe studentë që janë të interesuar për praktikë në marketing dhe shitje.

Seritë e “Çelësit të suksesit” do të organizojnë 4 takime në total dhe të gjithë pjesëmarrësit që do të marrin pjesë në 3 nga 4 prej tyre do të marrin certifikata. Seria e dytë do të organizohet më 18 Prill, me të ftuar Linda Shomo, CEO e kompanisë EasyPay. Për më shumë informacion, klikoni KËTU.

Burimi: epoka.edu.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0