Tiranë, 14 Mars 2016 – Dita e djeshme padyshim ishte një ditë e veçantë për ekipin e Albanian ICT Awards ku për herë të parë u gjendën përballë një audience të veçantë, pikërisht në Universitetin e Europës Juglindore në Tetovë të Maqedonisë.
Ky i fundit e dërgon në shtatë numrin e takimeve organizuar në kuadër të edicionit të katërt të Albanian ICT Awards kur kanë ngelur vetëm pak më shumë se dy javë nga mbyllja e aplikimeve.
Hapjen e takimit e bëri Visar Shehu, pedagog pranë Fakultetit të Shkencave dhe Teknologjive Bashkëkohore. Më pas vijoi prezantimi në detaje vetë konkursit dhe formularëve të aplikimit.
Kortezi e këtij takimi ishte edhe vizita në Parkun Teknologjik pjesë e kampusit universitar të SEEU. Kjo qendër dhe infrastruktura e saj moderne shërben si inkubator për studentë dhe biznese të interesuara. Edmond Etemi koodinator pranë kësaj qendre prezantoi ekipin e ICT Awards me më nga afër aktivitetin dhe veprimtarinë e kësaj qendre.
Aktualisht kanë përfituar disa kompani të vendosura pranë kësaj qendre ku Universiteti i Europës Juglindore ofron mbështetje përmes burimeve njerëzore dhe trajnimeve.
Të shtunën, Albanian ICT Awards udhëtoi drejt qytetit plot traditë të Gjakovës ku u prit të rinjtë plot pasion të Qendrës Bonevet. Ambjentet kreative të Talent Garden gjithashtu ishin një destinacion për të mos u munguar nga organizatorët garës.
Dita e Martë ka rezervuar një takim tjetër këtë herë në Tiranë me Universitetin e New York-ut në ora 18:00. Dita e Mërkurë sjell ICT Awards përsëri në Prishtinë në Universitetin Amerikan në Kosovë në ora 17:30 si dhe paralelisht Universitetin EPOKA në Tiranë.
Për informacion më të detajuar ju ftojmë të vizitoni uebfaqen Ictawards.org ku mund të gjeni të reja më të fundit dhe të dhënat për aplikimet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
