Albanian ICT Awards çeli në Tiranë turin e takimeve të edicionit të pestë jubilar të garës mbarëkombëtare - Business Magazine Albania

Albanian ICT Awards çeli në Tiranë turin e takimeve të edicionit të pestë jubilar të garës mbarëkombëtare


Ekipi i Albanian ICT Awards çeli sot turin e takimeve në kuadër të edicionit të pestë jubilar të garës mbarëkombëtare në fushën e teknologjisë së informacionit me komunitetin “Oficina” dhe nxënësit e Institutit “Harry Fultz” në Tiranë.

Organizuar pranë ambjenteve të OFICINA në Institutin “Harry Fultz”, ky takim përgjatë të cilit ekipi organizativ i ICT Awards ndau me pjesëmarrësit rrugëtimin e një inovacioni që flet shqip përgjatë pesë viteve të fundit, shënon të parin në mesin e shumë takimeve që pritet të mbahen deri në mbylljen e aplikimeve.

Më to synohet që mesazhi dhe thirrja e Albanian ICT Awards drejtuar adhuruesve të teknologjisë së informacionit të përçohet në çdo shtëpi dhe familje shqiptare.

Harry Fultz është një ndër shkollat më aktive në vend për sa i përket angazhimit konkret të nxënësve në shkencat kompjuterike dhe me implementimin e inovacioneve të ndryshme në robotikë, shquhet për prodhimet e gjenive të vegjël në fushat elektronike.

Prezantimi i garës, kategorive, kritereve dhe shpërblimeve përpara nxënësve dhe profesorëve të Harry Fultz u drejtua nga koordinatorja Aneida Bajraktari në këtë takim ku ishte i pranishëm edhe bashkëthemeluesi i Albanian ICT Awards, Kushtrim Shala.

Thirrjes për aplikim iu përgjigjen menjëherë disa studentë të cilët të entuziasmuar prezantuan disa prej ideve të tyre pikërisht gjatë aktivitetit ku spikatën ide inovative dhe të shumëllojshme si: Fshesa elektronike (robot) e cila ishte shpikur nga nxënesit e vitit të 4 të Institutit, aplikacion “CMS” për menaxhimin e bibliotekës së shkollës, aplikacion për mbrojtjen e të dhënave personale, aplikacioni “Remote Administration Tool” i cili u vjen në ndihmë personave që aspirojnë të bëhen hakera dhe aplikacioni i komunikimit “MessengAIR” i cili dërgon mesazhe të ndërthurura me teknologjinë e realitetit të shtuar.

albanian-ict-awards-celi-ne-tirane-turin-e-takimeve-te-edicionit-te-peste-jubilar-te-gares-mbarekombetare-business-mag

Këtyre prezantimeve ju bashkuan edhe dy ide nga akseleratori OFICINA, një platformë e arkitektëve shqiptar dhe një platformë e turizmit dentar.

Takimi i radhës me profesorë, studentë dhe të apasionuar pas teknologjisë do të mbahet më 3 Mars në qytetin e Gjakovës pranë qendrës “Bonevet” e cila vitin e kaluar i dha ICT Awards Yllin në Ngritje të Vitit.

Të gjitha ata që duan të bëhen pjesë e Albanian ICT Awards me kontributin e tyre do të kenë në dispozicion një formular online.

Ftojmë të gjithë kandidatët, bashkohuni në rrugëtimin tonë duke aplikuar në një nga tetë kategoritë përmes ictawards.orgAplikimet do të jenë të hapura deri më 31 Mars 2017.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0