CEED organizon konferencën vjetore në Sofje - Business Magazine Albania

CEED organizon konferencën vjetore në Sofje


Qendra për zhvillim dhe edukim të sipërmarrësve(Center for Entrepreneurship,Education and Development) përpiqet për një botë në të cilën sipërmarrësit të kenë mjetet dhe mbështetjen e nevojshme për të nxitur risi, për të krijuar vende pune dhe të ndërtojnë ekonomi të zhvilluara. CEED drejton rritjen ekonomike duke zhvilluar, lidhur dhe mentoruar sipërmarrësit për të forcuar bizneset e tyre në mënyrë që ata mund të krijojnë vende pune si dhe të përshpejtojnë zhvillimin ekonomik. Ndërtimi i një komuniteti sipërmarrës është primare për CEED.
CEED rrit jo vetëm njohuritë e sipërmarrësve mbi biznesin nëpërmjet programeve të saj, por lidh sipëmarrësit me mentorë dhe me një komunitetit sipërmarrësish të suksesshëm të cilët mund të ndihmojnë bizneset e tyre të vogla për të kaluar në një nivel më të lartë. Kombinimi tërësor i lidhjeve të tregut, angazhimi i komunitetit, ndërtimi i kapaciteteve dhe qasja ndaj fondeve e veçon CEED.

Këtë vit konferenca e përvitshme e CEED do të zhvillohet në Sofje, në datën 14 prill. Kjo konferencë është më e madhja e rrjetit ndërkombëtar të CEED, ku sipërmarrësit nga e gjithë bota mblidhen për të dëgjuar dhe diskutuar të ardhmen e industrive dhe prirjeve globale të tregëtisë. Gjithashtu në këtë konferencë flitet për strategjitë, praktikat dhe hapat më të mirë që duhet të ndërmarrë një biznes i suksesshëm ditët e sotme.

Në këtë ngjarje marrin pjesë më shumë se 300 sipërmarrës, themelues startup-esh, investitorë dhe liderë globalë të biznesit që vijnë nga më shumë se 17 shtete të botës.

Të ftuar specialë në këtë konferencë vjetore do të jenë Eric Schurenberg dhe Jim Stikeleather. Eric Schurenberg është presidenti dhe kryeredaktori i revistës INC. Kjo revistë është lidere në publikimet e saj për rreth sipërmarrjes dhe biznesit në SH.B.A dhe në botë. Ndërsa Jim Stikeleather është drejtuesi i inovacionit në kompaninë DELL. Gjithashtu konferenca do të ketë të ftuar të tjerë sipërmarrës të rëndësishëm nga bota e biznesit.

Në këtë konferencë themeluesit e sipërmarrjeve të reja mund të prezantojnë kompanitë e tyre para investitorëve. Aplikimi për Startup-et e reja do të përfundojë në 15 Mars.

Qëllimi i CEED është të ndërtojë një komunitet sipërmarrës duke ju ofruar sipërmarrësve të rinj mentorë, rrjete, njohuri dhe kapitale për t’u rritur sa më shpejt. Qendra e parë CEED është hapur në Sofje në vitin 2005. Tani CEED numëron më shumë se 30,000 kompani në rrjetin e saj global dhe operon në Marok, Tunizi, Bullgari, Maqedoni, Rumani, Serbi, Slloveni, Kosovë, Armeni, Moldavi, Bangladesh dhe Shqipëri. CEED ka projekte dhe në 10 shtete të tjera.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0